Pro initiar un cambio in le hierarchia europa.*, omnes pote inviar un RFD (Requesta Formal de Discussion), con un description del cambio desirate (p.ex. creation, cambio de stato, deletion o renomination de un gruppo de novas), al adresse de submission pro RFDs: rfd@europa.usenet.eu.org
Un RFD deberea includer un charta concise (non plus de 20 lineas pro cata lingua), scripte in al minus duo differente linguas europee, con un breve description del scopo e thema del gruppo de novas.
Le gruppo de coordination examina cata RFD e pote acceptar lo, demandar modificationes, o refusar lo. In caso de acceptation, le RFD es publicate in le gruppo europa.usenet.admin, ubi discussiones sera conducte pro un maxime duration de duo septimanas.
Le gruppo de coordination fortemente recommendara moderation in omne caso que le gruppo pare haber un grande probabilitate de problemas (vide http://www.europa.usenet.eu.org/restrict.html).
Durante le periodo de discussion, le proponente es libere de inviar propositiones emendate al gruppo de coordination.
Quando le gruppo de coordination crede que omne argumentos ha essite pronunciate, illo decidera si le proposition es acceptate o refusate. Le decision sera postate in europa.usenet.admin.
Philippe Vigeral (traduction: Martijn Dekker)