Iste gruppo es dedicate a Nomic, un joco a esser jocate in un contexto multilingue europee. Secundo le description de su inventor, Peter Suber, "Nomic es un joco in le qual cambiar le regulas es un movimento. In iste respecto illo es differente de quasi tote le altere jocos. Le activitate principal de Nomic es proponer cambios in le regulas, decidente lo que pote e non pote esser facite posteriormente, e facer lo. Mesmo iste nucleo del joco, naturalmente, pote esser cambiate." (http://www.earlham.edu/~peters/writing/psa/)

Le gruppo albergara jocos de Nomic europee e multilingue. Exemplos de themas equalmente relevante ("on-topic"):

• Discussiones a proposito del theoria de Nomic, includente le possibile influentia de factores societari e cultural in le joco mesme,
• Publication e traduction de articulos substantive,
• Anecdotas, questiones e responsas a proposito de Nomic.

Conceptos basic pote esser trovate (in anglese) a http://www.nomic.net/